Velkomin á Smiðjuhátíð 22.-24. júlí 2011

Námskeið í boði á smiðjuhátíð 2011.

Skráningar á tekmus@tekmus.is

Tækniminjasafn Austurlands var stofnað 1984 og fjallar aðallega um þann tíma er nútíminn var að hefja innreið sína á landinu um 1880 - 1950. Safnið sýnir hvernig tæknibreytingar á fjölmörgum sviðum, t.d. véltækni, rafmagn, fjarskipti, samgöngur og byggingalist eru samofnar breytingum á lifnaðarháttum og umhverfi. Sýningar eru lifandi og leitast við að endurvekja andrúm tímans sem fjallað er um. Safnasvæðið er jafnframt útisvistarsvæði tilvalið fyrir gönguferðir og samveru.

Tækniminjasafn Austurlands
Hafnargötu 44, 710 Seyðisfirði
sími: 472-1696

Opnunartímar:
Sumar (1.júní - 15.september)
virka daga Kl. 11:00 -17:00
Vetur (16.september - 31.maí)
virka daga Kl 13:00 - 16:00
Á öðrum tímum eftir samkomulagi.
Verð:
Fullorðnir (18-67) ára           600.-
Hópar (10+) á mann             400.-
Börn (0-18) ára                    ókeypis
Eldri borgarar (67 ára +)     400.-
Öryrkjar                               ókeypis
Félagar í ICOM og FÍSOS    ókeypis

English

 

Meðal menningarbygginga sem Tækniminjasafnið varðveitir og hefur umsjón með er Vjelasmiðja Jóhanns Hanssonar sem síðar varð Vélsmiðja Seyðisfjarðar. Vjelasmiðjan var stofnuð 1907 og varð brátt öflugt fyrirtæki á landsvísu. Árið 1918 var hún stækkuð til muna og bættist þá við málmbræðsla þar sem framleidd voru m.a línuspil og alls kyns varahlutir í bátavélar. Vélsmiðja Seyðisfjarðar hóf stálskipasmíði árið 1967, en starfsemi fyrirtækisins lagðist af 1993.

 

Málmbræðsluofninn sem settur var upp 1918.

Gamla símstöðin, öðru nafni Wathneshús var upphaflega reist árið 1894 sem íbúðarhús norska athafnamannsins Ottó Wathne. Í tengslum við lagningu sæstrengsins frá meginlandinu til Íslands keypti Mikla norræna ritsímafélagið húsið og opnaði fyrstu ritsímastöð landsins 25. ágúst 1906. Landstjórnin eignaðist húsið 1926 og Póst og símamálastofnun gáfu það Seyðisfjarðarkaupstað undir safn 1973. Tækniminjasafnið er með sýningar á efri hæð.

Fystu ritsímatækin eru enn starfhæf og má sjá þau í notkun í Gömlu símstöðinni á Seyðisfirði.